Vrystaat se Seniorspan

Spelers wat die Vrystaat se Seniorspan (Melvillbekerspan) vanjaar in Pretoria verteenwoordig het, is:

Annari Viljoen, Liansa Coetzee (albei Fichardtpark), Lizl Janse van Rensburg en Elaine Dednam (albei UV); Chris Dednam (kaptein) en Roelof Dednam (ook bestuurder) (albei UV), Wiaan Viljoen (Fichardtpark) en Johan de Beer* (Bobbiespark).

Die span het tweede in die A-afdeling van die Melvillbekertoernooi geeïndig. Al die spelers, insluitend die nuweling, het aan hoë verwagtinge voldoen en die spanbestuurder het ook met groot opofferinge tot die sukses van die span bygedra. Die spelers het soos gebruiklik finansieel ook opgeoffer.

Individue van die Vrystaat het baie goed presteer. Chris het in die SA-kampioenskappe die enkelspel gewen vir sy vyfde nasionale enkelspeltitel. Chris en Roelof.het die dubbelspel vir die vyfde agtereenvolgende jaar gewen (Chris se agste). Chris en Annari het die gemengde dubbelspel gewen vir Annari se eerste nasionale titel; sy het ook in die dubbelspel die eindronde gehaal. Chris se driekuns is die eerste in 17 jaar vir ’n manspeler!! Wiaan het in die enkelspel en dubbelspel die eindronde gehaal. Chris was na die Melvillbeker-toernooi in enkels en dubbels en gemengde dubbels saam met Annari nasionaal eerste gegradeer. Annari was ook vyfde in enkels en tweede in dubbels gegradeer. Roelof was derde in die enkels, eerste in die dubbels, en derde in die gemeng gegradeer. Wiaan was tweede gegradeer in die enkels, tweede in die dubbels en vierde in die gemengde dubbels. Die meeste van die spelers het ook baie goed gevaar op die toernooireeks deur die jaar. Die spelers se nasionale verteenwoordiging en internasionale prestasies is elders uitgelig – baie geluk met die prestasies, en baie dankie vir wat julle vir pluimbal doen!.